కాలం కాటు

నా నీడ చెప్పింది నాతో
నువ్వు నాలోనే ఉన్నవాని

నా మాట తీరు చెప్పింది నాతో
నా ఊసులన్నీ నీవెనని

నా చూపు చెప్పింది నాతో
నా కను పాపాల నిండిన రూపం నీవెనని....

నువ్వు నాలో ప్రతీ అణువునా నిండిపోయినవే....
నీ జతలో కాలాన్ని సైతం మరిపించినావే..

అందుకేనేమో కాలం కాటు వేసినట్టు...

నీ ఎడబాటుకు దగ్గెరైనానే

వెలుగే రాని చీకటిలో నిన్ను వెతుకుతున్నానే

నీవు లేని నా బ్రతుకులో నన్నే వదిలేసినానే...

కలిసిపోనియ్యరాధే

కాటుక నిండిన కనులు
అవి చేసే నాట్యాలు
నన్ను ఆకర్షిస్తుంటే
వాటిని చూడకుండా ఉండేలా?

తడి ఆరని కురులు
వాటి నుంచి కారే నీటి బిందువు
నడుం మడతల నుంచి జారగా
అది చూశాక పెరిగిన గుండె చప్పుడు ఆగేదేలా...?

నీ అధారాలు పలికే మాట కన్నా
నవ్వే ఎక్కువగా పలకరిస్తుంటే
వాటిని చేరకుండా నిలిచేదెలా?

అన్నిటిని చేరిపేసి

నీ కౌగిట బందినై
అధరాల ఆటలో
నిన్ను గెలిచి
      
    నీలో

కలిసిపోనియ్యరాధే చెలి....!

నీ స్వరం తీయగా

ఎదురు చూసాను నీ మాటకై,

పలకరించావు నన్నే హాయిగా,

చేశావు నన్ను కొంటేగా,

వినిపించావు నీ స్వరం తీయగా,

ఉండిపోయావు మదిలో పదిలంగా,

మార్చేశావు నన్ను మొతంగా..

నీవు నేను " మనము " అయ్యే క్షణము కోసం

రోజు చూసే రూపమే , ఈ రోజు ఎంటో కొత్తదనం ...
ఏమైపోదునో ఆ రూపం చూడకుంటే అందుకే బందించేశాను నా కనుపాపలా....

రోజు పిలిచే పేరే , ఎందుకో అంత ప్రియం
ఏమవ్వునో ఆ పేరు వినకుంటే అందుకే మార్చేసా నా గుండే సవ్వడిలా....

ఎప్పుడు కలిసి నడిచే చోటే , ఎందుకో ఈ సారి ఇంత అందం ఏమయ్యానో ఆ దారులు వెరైతే అందుకే చెప్పేస్తా మనసులో మాట ఇలా....
           
నిన్ను చూడగానే వేసావే ఎదో మంత్రం
నీ చుట్టూనే తిరగాలని ఎంతో ఆత్రం

ప్రేమేమో అందుకే కోరుకుంటున్నా

ఉదయించాలి నా రోజు నీ నవ్వుల వెలుగులో
నిదురించాలి నీ వాడిలో చల్ల గాలిలో
ఆ రెండింటి మధ్య కాలం సాగని ఇంద్రధనుస్సులా
వీడిపోకు ఏ క్షణమునా మోయాలేను కనులా భారం

నీవు నేను " మనము " అయ్యే క్షణము కోసం నా నిరీక్షణ...!




***** అబ్బాయి అమ్మాయికి చెప్పే మాటలు*****